Afreksmömmur eru afar vinsælir tímar sem samanstanda af þol- og styrktarþjálfun þar sem sérstök áhersla er lögð á þá líkamshluta sem barnsburður og fæðing hefur hvað mest áhrif á. Hildur Karen hefur haldið utan um Afreksmömmur frá opnun Afreks í lok árs 2021 og á þeim tíma hefur fjöldinn allur af verðandi og nýbökuðum mæðrum skráð sig í styttri eða lengri tíma.

Hildur Karen er mætt til baka eftir fæðingarorlof en í fjarveru hennar sáu þær Tinna Rut Þórarinsdóttir, Díana Rut Kristinsdóttir og Kolfinna Þórisdóttir um tímana. Díana Rut og Kolfinna halda áfram að þjálfa Afreksmömmur ásamt Hildi og munu þær Kristín Marja Ómarsdóttir og Guðný Ósk Karlsdóttir vera þeim til halds og trausts.

Þær eru allar reynslumiklir þjálfarar með breiðan bakgrunn og hlakka mikið til að taka á móti verðandi og nýbökuðum mæðrum.

Hildur segir markmiðið með þjálfuninni sé að miðla reynslu, þekkingu og ástríðu til iðkenda í von um að þær upplifi öryggi í hreyfingu á meðgöngu og eftir fæðingu, meira sjálfstraust og betri líðan í sterkari líkama.

Salan fyrir ágúst hefst kl 21:00 þann 5. júlí.

Ágúst námskeiðin hefjast 6. ágúst og verða til 2. sept.

Mömmur sem þegar eru með kort geta sett sig í samband við okkur í tölvupósti ([email protected]) fyrir frekari upplýsingar.

Verð: 25.490 kr. fyrir lengri námskeið

Verð: 17.990 kr. fyrir styttri námskeið

Athugið að ef beðið er um endurgreiðslu eftir að námskeið er hafið þá er það vegið og metið en endurgreiðsla verður að hámarki 50% af námskeiðsgjaldi.